Wat si „midterm elections“ an den USA ?

Nächst Woch en Dënschden sinn an den USA déi sougenannte „midterms“. Wat sinn d’ “midterms” a wat bedeiten si fir den aktuelle republikanesche President Donald Trump? Dat gitt dir dës Woch am Artikel gewuer. Den Donald Trump ass elo schonn zwee Joer de President vun den USA an elo sti „midterms“ virun der Dier. Dës Wale gëllen als Stëmmungsindikator vun den Amerikaner mat der Politik vun hirem President Donald Trump. Wéi den Numm et schonns ë wéineg verréit, sinn et Zwëschenwalen, déi all zwee Joer ëmmer um éischten Dënschden am November ofgehale ginn. Dowéinst falen déi Walen och al zwee Joer mat den amerikanesche Presidentewalen openeen. D’Amerikaner ginn an den Zwëschenwalen dozou opgeruff, een Deel vum Kongress néi ze… Weiderliesen

Ëmstriddene Kandidat Brett Kavanaugh fir den US Supreme Court confirméiert

Déi lescht Deeg ass vill iwwert dem amerikanesche President Donald Trump sengem Kandidat fir de Supreme Court diskutéiert ginn. Dës Woch geet et em déi ëmstridden Nominéierung vum Brett Kavanaugh an iwwert säi méiglechen Afloss op de Supreme Court. Am fréie Summer huet de moderate konservative Riichter Anthony Kennedy ugekënnegt, dat hien de Supreme Court verloosse géif. De Supreme Court ass dat héchste Geriicht an den USA a besteet aus 8 „Associate Justices“ an engem „ Chief Justice“. Déi gi vum Senat op Liewenszäit gewielt, meeschtens trieden d’Riichter wéinst Krankheeten zeréck. Den Anthony Kennedy war bei wichtegen Uerteeler déi entscheedend Stëmm. An sozialen a gesellschaftspolitesche Froen huet hie mat de liberalen an demokratesche Riichter ofgestëmmt. Bei dem Verbuet vun der Immigratioun aus… Weiderliesen

USA vs. EU – Handelskrich?

Säit e puer Wochen héiert ee vum Handelskrich zwëschen der USA an der EU. Den amerikanesche President Donald Trump huet fir Stol an Aluminium Stroftaxen agefouert, fir déi amerikanesch Entreprisen ze protegéieren. Doropshin huet d’EU Kommissioun och Stroftaxe lancéiert op Whisky, Harley-Davidson, Peanut-Butter a Jeans. Wat bedeit een Handelskrich iwwerhaapt? Dat gitt dir dës Woch an eisem Artikel gewuer. Een Handelskrich ass wann ee Land mat Stroftaxen op Wueren, déi am Ausland produzéiert goufen, een anert Land attackéiere wëll. Dat attackéiert Land reagéiert dann och mat Stroftaxen op verschidde Wueren. Stroftaxe sinn extra Taxe fir Wueren aus anere Länner, fir déi eege Wueren a soumat och déi national Ekonomie ze protegéieren. Een Grond vum sougenannten… Weiderliesen

Déiereschutz

Virun zwee Joer gouf ee Projet de Loi am Zesummenhang fir ee besseren Déiereschutz vum Landwirtschaftsministère virgestallt. Dës Woch ass dann dat neit Déiereschutzgesetz an der Chamber eestëmmeg gestëmmt ginn. Mee wat heescht dat néit Gesetz fir Déieren a fir d’Besëtzer? Dat gitt dir dës Woch vun eisem Artikel gewuer. Dat néit Déiereschutzgesetz soll dat alt Gesetz vun 1983 ersetzen. D’Ëffentlechkeet huet an de leschte Joren sech ëmmer méi fir ee bessere Schutz fir Déieren a méi héich Strofen agesat. 2014 goufen am Parlament zwou Petitiounen an enger Sëtzung diskutéiert, déi Erfolleg hate mat iwwer 4500 Ënnerschrëften. Mat der Aféierung , dat Déieren eng Dignitéit hunn, bréngt dat eng ganz néi Perspektiv an den Déiereschutz.… Weiderliesen

200 Joer Karl Marx

De leschte Freiden huet de Karl Marx seng 200 Joer geféiert. Zu Tréier gouf zu sengen Éieren eng ca. 6 Meter héich Statue als Kaddo vu China agewéiht. Dem Karl Marx säi bekanntste Wierk ass wuel „Das Kapital“, wou hien seng Kritik iwwert de Kapitalismus niddergeschriwwen huet. Engersäits huet hie vill Kritiker an anerersäits Supporter, mee wat  bedeit dem Karl Marx seng Theorie iwwerhaapt? Eng staark miniméiert Erklärung dës Woch an eisem Artikel. De Karl Marx senger Theorie no, ass de „einfachen Aarbechter“ (Proletarier) gezwongen, seng Aarbechtskraaft als Wuer ze verkafen. Well de Proletarier näischt vu Besëtz huet, muss hien schaffe goen, domat kann hien seng Existenz opriicht erhalen. Wann den Aarbechter eppes produzéiert, entsteet ee Produit mat engem… Weiderliesen

Cambridge Analytica a Big Data

Déi lescht Woch ass vill iwwert Cambridge Analytica geschwat ginn. Déi sollen sech mat illegale Mëttelen Zougang zu zirka 50 Millioune Facebook-Konte verschaf hunn an déi Date geklaut hunn.  Wéi steet Facebook a co. iwwerhaapt zum Schutz vun äiser Privatsphär a wat huet „Big-Data“ domat ze dinn? Dat gitt dir dës Woch am Artikel gewuer. D’Entreprise Cambridge Analytica (CA) ass an der leschter Woch bekannt ginn, andeems d’Berodungsfirma duerch illegal Methoden Donnéeë vu Ronn 50 Millioune Facebook-Benotzer geklaut soll hunn. D’Firma ass mat Hëllef vun engem Dozente vun der Universitéit vu Camebridge un déi Donnéeë komm. Och Facebook huet him Zougang zu anonymiséierten Donnéeë vu Facebook-Notzer weiderginn, een Expert vun der Columbia Universitéit mengt och, dat Facebook… Weiderliesen

Wat ass den Eurogrupp?

D’Eurogrupp war déi lescht Deeg vill an den Noriichten, nodeems een néie President gewielt gouf – de Portugis Màrio Centeno. Mee wat mëscht d’Eurogrupp a wéi eng Roll huet si an der EU? Dat wëlle mir iech dës Woch méi genau erklären. D’Eurogrupp ass een informelle Gremium, wou d’Finanzminister aus allen Euro-Memberstaaten vertruede sinn. De President vun der Eurogrupp (deen och e Minister vun engem Land muss sinn), de Vize-President vun der Europäescher Kommissioun, den als Ressort Wirtschaft, Finanzen an den Euro huet, an och de President vun der Europäescher Zentralbank sinn an de Sëtzungen dobäi. Jee nom Sujet ginn och… Weiderliesen

Wat ass qualitative Wuesstem?

Säit gutt engem Joer gëtt zu Lëtzebuerg iwwert de „qualitative Wuesstem“ geschwat. Mee wat bedeit et iwwerhaapt fir Lëtzebuerg? Fir verschidde Leit stellt et eng Bedroung duer, fir anerer eng Chance. Dowéinst beschreiwe mir des Woch em wat et beim „qualitative Wuesstem“ genau geet. Am Fall vu Lëtzebuerg ass et virauszegesinn, dass d´Land weider ekonomesch wiisst. Lëtzebuerg ass de Motor vun der Groussregioun an och eng wichteg Plaz fir vill verschidde Branchen. Historesch gesinn ass et dann och naicht Neies dass d’Populatioun wiisst, well vun 1910 bis 2010 huet sech d´Awunnerzuel zu Lëtzebuerg verduebelt op ca. 500.000. Aktuell wunnen zu Lëtzebuerg  590.667… Weiderliesen

Wat ass de Friddensnobelpräis?

Ufank Oktober ass all Joer d’Zäit an där d’Nobelpräisser vergi ginn. De politeschste vun dëse Präisser ass oft de Friddensnobelpräis – an esou ass et och dëst Joer erëm. Dofir geet et dës Woch em d’Geschicht vum Friddensnobelpräis an iwwert „ICAN“, d’Campagne déi de Präis dëst Joer krut.  Den Alfred Nobel, no deem de Präis benannt ass, koum aus Schweden an hien ass weltbekannt well hien den Dynamit erfonnt huet. De Friddensnobelpräis an all déi aner Nobelpräisser huet den Alfred Nobel duerch säin Testament an d’Liewe geruff, well hie mat sengem Verméigen eppes guddes maache wollt, nodeems hien enttäusch war dass seng Erfannung benotzt gouf fir Krich ze féieren.… Weiderliesen

Em wat geet et bei der katalanescher Onofhängegkeet?

An de leschten Deeg héiert een nees méi iwwert een Onofhängegkeetsreferendum a Katalounien. Schon säit e puer Jore gëtt vum Referendum geschwat an elo steet och den 1. Oktober als Datum fest. Wéi kënnt et dozou, dat Katalounie keen Deel vu Spuenien wëll sinn? Am katalanesche Regionalparlament hunn 72 vun den 132 Deputéierte fir e Referendum zur Onofhängegkeet vu Katalounien duerchkritt. D’Oppositioun huet no bal 11 Stonnen Diskussiounen d’Parlament verlooss. Säit 2015 sinn d’Separatisten am Parlament an der Majoritéit nodeems si bei de Regionalwahle gewonnen haten a striewe säit deem un Katalounie vu Spuenien ze trennen. De spuenesche Ministerpresident Mariano Rajoy wëll dat allerdéngs verhënneren an huet versicht… Weiderliesen

Wat mécht eng Zentralbank?

Wann een d’Noriichten e bësse verfollegt, dann héiert een oft vun Zentralbanke wéi zum Beispill iwwert déi Europäesch Zentralbank oder déi amerikanesch „Fed“. Mee wat mëscht eng Zentralbank? An wéi eng Roll spillen sinn an der Geld- a Währungspolitik? Dat gitt dir dës Woch an eisem Artikel gewuer. Generell ass eng Zentralbank d’”Bank vun de Banken” an awer och d’Bank vun engem Staat. Zentralbanke steieren zum Beispill, wéi vill Geld am Ëmlaf soll sinn. Dat ass an deem Sënn wichteg, well esou de Präisniveau stabil gehale ka ginn. Dëst ass ee vun den Haaptziler vun enger Zentralbank, well wann de… Weiderliesen

Wat ass zu Charlottesville geschitt?

Dës Woch schreiwe mir iwwert d’Eskalatiounen a Charlottesville an den USA. Do gouf et eng Demonstratioun vu Rietsradikalen an eng Géigendemonstratioun. No enger Eskalatioun vu Gewalt ass eng Persoun gestuerwen a 34 Leit si blesséiert ginn. Mee wéi eng rietsextrem Gruppen hunn un dëser Demonstratioun Deel geholl a firwat gëtt de President Trump fir seng Reaktioun kritiséiert? An enger Staat mat 50.000 Awunner hunn sech um Samschdeg puer honnert rietsextrem Gruppéierunge bei enger Manifestatioun getraff. Ënner anerem waren do d’Alt-Right-Beweegung, Neonazi-Gruppen an och Membere vum Ku-Klux-Klan. Si hunn sech getraff fir géint ee Beschloss vum Gemengerot vu Charlottesville ze demonstréieren. De Gemengerot… Weiderliesen