Burschenschaft Marko Germania

Dëst ass eng Aart Studenteverbindung an Eisterräich, déi mengt, dass all Vollek seng Platz a senger Natioun huet. Vill Membere gesinn deemno Eisterräich als Deel vun Däitschland un a sinn der Meenung, dass Auslänner zeréck an hiert Land solle goen. Et kann ee verschiddener als däitschnational a rietsextrem ugesinn. All 3. Politiker vun der FPÖ war an esou enger Burschenschaft. Weiderliesen

Caucus

Jee nodeem ob et sech ëm e geschlossenen oder oppene Caucus handelt, ass e Caucus eng Versammlung vu Parteimemberen oder -Ënnerstëtzer. Op dëser Versammlung gëtt driwwer diskutéiert, wéiee Kandidat ënnerstëtzt soll ginn an de Wahlen. Weiderliesen

CDU (Christlich-Demokratische Union)

D’CDU ass eng däitsch Partei, déi 1945 gegrënnt gouf a sech fir liberal-konservativ Politik asetzt. Si verdeedege kulturell Traditiounen, wëllen d’Staatsfinanzen am Grëff halen a si pro-EU. Bekannt Membere sinn: de Konrad Adenauer, de Wolfgang Schäuble, d’Angela Merkel, an d’Ursula von der Leyen. Weiderliesen

CETA

„Comprehensive Economic and Trade Agreement“ si Verhandlungen tëscht der EU a Kanada fir eng Fräihandelszone opzebauen. Ugefaangen hunn d’Verhandlungen 2014 a sinn, wéi och TTIP-Negociatiounen, onbeléift béi de Mënschen. Weiderliesen

Chavinismus

Dëse Begrëff ass nom Hugo Chávez, dem eemolege venezolanesche Staatspresident, benannt. Et beschreift eng lénks-sozialistesch autoritär Politik, déi fir staatlech Interventioun an der Ekonomie, eng Verdeelung vum Wuelstand, eng Verstaatlechung vun Entreprisen an d’Fuerderung vun der sozialer Ënnerstëtzung steet. Weiderliesen

CIA

D’Central Intelligence Agency (CIA) ass en amerikanesche Geheimdéngscht, deen sech op Informatiounen iwwert d’Ausland fokusséiert. Et ass déi eenzeg Organisatioun déi geheim Operatiounen op Befeel vum President ausféieren dierf. D’Agence ass verwéckelt a vill bekannten Affäre – dorënner den 1953 Coup am Iran, d’Bay of Pigs Invasioun a Kuba an d’Iran/Contra Affär. Weiderliesen

CO2-Emissiounen

CO2 – oder Kuelendioxid – entsteet virun allem duerch d’Verbrenne vu Kuel, Äerduelech a Gas, mä och als Nieweprodukt vun der Déierenhaltung. Si sinn Haaptgrond fir d’Äerderwäermung a sollen dofir reduzéiert ginn. Weiderliesen

Confederatioun

Dat ass e Bündnis vu selbstännege Gebitter, déi duerch e Kontrakt festgehale ginn an hir Souveränitéit bäibehalen. Bei enger Confederatioun sinn déi Gebitter méi autonom, wéi bei enger Federatioun. Als Beispill vun enger Confederatioun kann een d’Schwäiz nennen. Weiderliesen

​Conseil vun der Europäescher Unioun

De Conseil vun der Europäescher Unioun ass d’Institutioun, an där d’Ministeren aus den EU-Länner zesumme kommen. Hei huet all Land eng Stëmm fir iwwert all EU-Gesetz ofzestëmmen. Fir Ëmweltgesetzer kommen zum Beispill d’Ëmweltministeren zesummen. Dëse Ministerrot ass net ze verwiessele mam Europäesche Conseil, wat de Sommet vun de Staats- a Reigerungscheffen ass a wou iwwert déi generell Trajectoire vun der EU diskutéiert gëtt. Weiderliesen

COP21

COP21: COP21 ass eng englesch Ofkierzung fir Conference of the Parties, woumat all déi Länner gemengt sinn, déi de Kontrakt ënnerschriwwen hunn, fir bei de verschiddene Konferenze matzemaachen. D’Zuel 21 steet fir déi 21. Versioun vun der Klimakonferenz. Weiderliesen

Deflatioun

Als Deflatioun bezeechent een en unhalenden, staarke Réckgang vu Präisser an der Ekonomie. Dëst geschitt wann et ze wéineg Demande fir d’Offer an der Ekonomie gëtt. Weiderliesen

Demagogie

Obwuel Demagog fréier en gudde Riedner bezeechent huet, ass en Demagog haut oft negativ gemengt. Haut versteet een ënnert Demagogie de Versuch duerch Appeller un Emotiounen an Viruerteeler d’Vollek op seng Säit ze bréngen. Weiderliesen