Den Euro ass 2002 agefouert ginn an huet déi national Währunge vun 19 Länner ersat. D’Europäesch Zentralbank zu Frankfurt ass responsabel fir d’Printen an de Management vun der Währung. Obwuel den Euro zanter e puer Joer an enger Kris ass, ass en déi zweet wichtegst Währung vun der Welt, nom Dollar. Weiderliesen
D’Eurokris besteet u sech aus puer eenzele Krisen, déi all gemeinsam hunn, dass e puer Länner an Europa (Griicheland, Irland, Spuenien, Portugal, Italien) ze vill Scholden haten/hunn, woubäi d’Grënn firwat se souvill Scholden hunn ënnerschiddlech sinn. Op Grond vun dësen héije Scholde konnten déi Staaten net méi nei Sue léinen, fir al Scholden zeréck ze bezuelen. Dofir hunn aner Euro-Länner mat Honnerte vun Milliarden ausgehollef. Weiderliesen
D’Europäesch Kommissioun ass den exekutiven Deel vun der Europäescher Unioun, wat bedeit, dass se nei Gesetzer virschléit, d’Ëmsetze vu Gesetzer iwwerwaacht a sech ëm den Dagesmanagement vun der Europäescher Unioun këmmert. All Land stellt ee Kommissär, deen ee Portfolio betreit an am Kollegium zesumme mat all aner Kommissär iwwert all Decisioun ofstëmmt. Am Moment ass de Jean-Claude Juncker President vun der Kommissioun. Weiderliesen
D’Europäesch Unioun besteet momentan aus 28 Memberen, mä geet op e Verbond vu 6 Staaten aus de 1950er Joren zeréck. Haut stellt d’EU de gréissten ekonomesche Marché duer, representéiert iwwer 500 Millioune Leit an ass u villen politesche Beräicher bedeelegt. Déi wichtegst Institutiounen sinn: Europäeschen Rot; Europäescht Parlament; Europäesch Kommissioun; an Europäeschen Geriichtshaff. Weiderliesen
D’Europäesch Zentralbank ass 1998 gegrënnt ginn, fir déi nei gemeinsam Währung vun 11 Länner – den Euro – ze verwalten. D’EZB huet folgend Aufgaben: dofir suergen, dass d’Präisser stabil bleiwen an dass et weder ze staark Inflatioun nach Deflatioun gëtt; ze versiche Rezessiounen ze vermeiden. Säit 2014 ass d’EZB och de Superviseur vun de wichtegste Banken an der EU. Weiderliesen
Am Europäesche Parlament stëmme 751 gewielte Vertrieder iwwert all d’Propose fir nei EU-Gesetzer of. All EU-Länner sinn hei mat méi oder manner – baséierend op Populatioun – Politiker vertrueden. Obwuel d’Parlament schonn 1952 gegrënnt gouf, ass et eréischt an de leschte 25 Joer zu enger vun de wichtegsten Institutiounen an der EU ginn. Weiderliesen
Als Europaparlamentarier bezeechent een eng Persoun, déi Deel vum Europaparlament ass. Et ass den europäeschen Equivalent vun engem Deputéierten. Weiderliesen
Als Euroskeptiker bezeechent een eng Persoun, déi fënnt, dass d’Europäesch Unioun ze mächteg ginn ass an d’Länner sollten hier Souveränitéit zeréck huelen an hir Politik méi national gestalten. Weiderliesen
